Fréttir af samstarfi við Blátt áfram

11 Okt2010

Fyrirlestur Blátt áfram

Fimmtudaginn 7. okt tóku foreldrafélög Gullborgar, Grandaskóla, Vesturbæjarskóla og Melaskóla sig saman um að vera með fyrirlestur um kynferðislegt ofbeldi gagnvart börnum. Sigríður Björnsdóttir hjá Blátt áfram fjallaði um forvarnir og einkenni kynferðisofbeldis. Kom fram á fyrirlestrinum hjá foreldrum og starfsmönnum hversu mikilvægt er að þekkja einkennin og eiga góð samskipti við börnin sín og fræða þau um kynfræðslu og sína einkastaði og kunna að setja mörk. Mikilvægt er að foreldrar tali sín á milli þegar börn eru að gista eða dvelja á öðrum heimilum.

27 Nóv2009

Vinnubók heim !

Kæru foreldrar á Grænudeild, Rauðudeild og Bláudeild !

Í  tengslum við samstarf okkar við Blátt áfram höfum við verið að vinna með tilfinningarnar í vetur.  Það verkefni höfum við verið að vinna í svokölluðum lífsleiknitímum.  Við  byrjuðum  á að vinna með sjálfsmyndina  og ólíkar fjölskyldur.  Á mánudaginn 30. nóvember fara börnin heim með bækur sem þau hafa verið að vinna með í  þessum tímum.   Núna á barnið þitt að teikna fjölskylduna sína í þessa bók með aðstoð foreldra og viljum við biðja ykkur  að skrá samviskusamlega  niður hvaða tilfinningar og umræða   barnið sýnir á meðan það vinnur verkið.

Vinsamlega skilið bókinni á föstudaginn 4. Desember.

Athugið þetta er tilraunaverkefni til að sjá hvort að þetta er eitthvað sem verður spennandi viðbót til að vinna með í framtíðinni í tengslum við sjálfsmynd barna. 

Með kveðju starfsmenn Gullborgar !